Քաղաքականություն || 15:12 / 27.01.2011
Արցախյան պատերազմի հրամանատար, գեներալ-մայոր Արկադի Տեր-Թադևոսյանը` Կոմանդոսը, այսօր լրագրողների հետ հանդիպման ժամանակ խոսելով Ազգային բանակի 19-րդ տարեդարձի մասին, նկատեց, որ այս տարիների ընթացքում պետությունն այդպես էլ չստեղծեց գրականություն, որպեսզի սերունդները հետագայում իմանան, թե ո՞րն է եղել ճշմարտությունը:«Ես չեմ խոսում անհատական նախաձեռնությունների մասին, որտեղ դեպքերը նաև ոչ այնքան ճիշտ են նկարագրված: Պետությունը պետք է գրականություն ստեղծեր, ինչը չի արվել: Հիմա դիմացներս Շուշիի ազատագրման տարեդարձն է, բայց ո՞վ գիտի, թե ինչպես է եղել»,-նկատել է Տեր-Թադևոսյանը:
Խոսելով Ադրբեջանի կողմից հնարավոր ռազմական գործողությունների մասին, Կոմանդոսն ասել է, որ առաջին օրերին հնարավոր է, որ հակառակորդը որոշակի հաջողության հասնի, սակայն հետագայում հայկական ուժերը կկենտրոնացվեն, գետ կմղեն թշնամուն, հնարավոր է նաև նոր հողեր ազատագրեն:
HayNews.am
No comments:
Post a Comment