27 հունվարի 2011 - 15:06 AMT 
11:06 GMT
11:06 GMTPanARMENIAN.Net - Ղարաբաղում պատերազմի վերսկսման դեպքում, Հայաստանը կարող է կորուստներ կրել սկզբնական փուլում, սակայն հետո հավասարակշռություն կհաստատվի և հայկական կողմին կհաջողվի ոչ միայն ետ բերել կորցրածը, այլ ավելի մեծ տարածք գրավել: Այդ մասին Երևանում կայացած մամլո ասուլիսում հայտարարել է ղարաբաղյան պատերազմի հերոս, Արցախի հերոս, գեներալ-մայոր Արկադի Տեր-Թադևոսյանը (Կոմանդոս): Ըստ նրա, այսօրվա դրությամբ Ադրբեջանը բավականին ուժեղ է, սակայն հայոց բանակը լավատեղյակ է ղարաբաղյան հակամարտության գոտում ռազմական գործողությունների ռազմավարությանը:
Արկադի Տեր-Թադևոսյանը խոսել է նաև հայկական բանակի խնդիրների մասին: Ըստ նրա, հասարակության խնդիրները բնականաբար արտացոլում են գտնում նաև բանակում: Կոմանդոսը վստահ է, որ անհրաժեշտ է խոսել ԶՈւ շարքերում առկա խնդիրների մասին և աշխատել դրանք վերացնելու ուղղությամբ:
No comments:
Post a Comment