| Գրել է ՀԱՄ | |
| 13-01-2011 | |
Հայ Արիական Միաբանությունն իր շնորհավորանքներն է հղում համայն հայությանը՝ հունվարի 14-ի Ցեղակրոնի (Ցեղակրոնության) օրվա կապակցությամբ:Ցեղակրոն հայակուռ ուսմունքը ստեղծել է ազգային գաղափարախոս, իմաստասեր եւ ռազմական զորավար Գարեգին Նժդեհը, եւ այդ հզոր ուսմունքն առայսօր համակարգված ու արդեն իսկ գործուն ազգային գաղափարախոսություն է, ինչը նաեւ բնույթով վերկուսակցական ու վերկրոնական է: Ցեղակրոն հայորդի - նշանակում է ցեղը կրող՝ հայի գենը կրող, հայկական արժեքային համակարգը կյանքի ուղենիշ դարձրած հայ: Եվ հայի գենը կրող աշխարհասփյուռ մոտ 15 մլն. (եւ շուրջ այդքան էլ ծպտյալ) հայերին է ուղղված մեր համազգային շնորհավորանքը: Արիադավան (հեթանոս), քրիստոնյա, մահմեդական (ծպտյալ) եւ այլադավան ու այլուրեք ապրող հայերը կարո՛ղ են եւ պե՛տք է համախմբվեն Ցեղակրոն գաղափարների շուրջ, ինչը թույլ կտա աշխարհի մոտ 250 երկրներում ազգայնորեն աշխուժացնել հայկական տարրն ու հայանպաստ գործունեությունը:Հայ Արիական Միաբանությունը հունվարի 1-ին նշել է նաեւ Գարեգին Նժդեհի ծննդյան օրը՝ 124-ամյակը (ահա սա է սուրբ ծննդյան տոնը), ինչի առիթով նույնպես շնորհավորում ենք հայությանը:Ցեղակրոն հայը ապագա եւ միացյալ Հայաստանի կերտողն ու տերն է լինելու, հայության համախմբողը, ուստի՝ հունվարի 14-ը պետք է դառնա աշխարհասփյուռ հայության ազգային տոներից մեկը, ինչը պարբերաբար վեր կհառնի նաեւ հայի գենետիկ ու աստվածատուր զորություններն ամբողջ աշխարհում:Փա՜ռք Ցեղակրոն հային, փա՜ռք Գարեգին Նժդեհին: Հայ Արիական Միաբանություն13.01.2011թ. - Երեւան |
No comments:
Post a Comment