Վերջերս Գյումրու քաղաքապետ Վարդան Ղուկասյանը Մոսկվայում հանդիպելով Համայն Ռուսիո պատրիարք Կիրիլի հետ՝ ասել էր, թե իրեն շատերն առաջարկում են Գյումրուն «վերադարձնել» նախկին պատմական անունը՝ Ալեքսանդրապոլ: Սույն հարցի շուրջ «7օր»-ին մեկնաբանություններ է տվել քաղաքապետարանի լրատվության հետ կապերի վարչության պետ Լիլիթ Աղեկյանը: Հարցին, թե ի՞նչ սոցհարցումների տվյալների վրա հիմնվելով է Վարդան Ղուկասյանը նշել, թե շատերն առաջարկում են Գյումրին Ալեքսանդրապոլ անվանակոչել, Լիլիթ Աղեկյանը պատասխանել է.
-Քաղաքապետը պարզապես փոխանցել է գյումրեցիներից շատերի կարծիքը, որը ձևավորվել է իրեն արված առաջարկություններից: Կոնկրետ քաղաքապետը նման առաջարկությամբ հանդես չի եկել: Բոլորս էլ գիտենք, որ քաղաքն անվանափոխելն այդքան էլ հեշտ չէ, և դրա համար հանրաքվե են անցկացնում:
Նշենք, որ Գյումրիում շատերի կարծիքով՝ եթե Գյումրին անվանակոչվի Ալեքսանդրապոլ, ապա վերջնականապես կվերածվի ռուսական ծայրամասի:
Դերենիկ Մալխասյան
Գյումրի
No comments:
Post a Comment