Sunday, June 22, 2014

Տեր կանգնենք մեր արժեքներին


Տեր կանգնենք մեր արժեքներին

Մենք՝ Բելգիայի հայ երիտասարդներս, ահազանգելով դիմում ենք հայրենիքում ապրող մեր հայրենակիցներին:

Սույն թվականի հունիսի 18-ին « Գառնի » պատմամշակութային արգելոց-թանգարանը օտարերկրյա հյուրերի համար վերածվել էր ռեստորանային համալիրի: Կազմակերպված կերուխումի ժամանակ արգելոց-թանգարանի մուտքը փակել էին առօրյա այցելուների համար: Դրանից օրեր առաջ է՛լ ավելի անընդունելի իրադարձություն տեղի ունեցավ Զվարթնոց տաճարի տարածքում: Այս անգամ թույլ էր տրվել օտարերկրացիներին մեր սրբավայրում կազմակերպել խրախճանքի երեկո մերկապարուհիների մասնակցությամբ:

Այս երկու խայտառակ իրադարձությունները խորը վրդովմունք և զայրույթ առաջացրեցին մեր մեջ: Սա բացահայտ սրբապղծություն է: Բոլորիս աչքի առաջ հանդգնորեն ոտնահարվեց մեր ազգային արժանապատվությունը: Այս ոտնձգությունը մեր պատմամշակութային արժեքների նկատմամբ ապացույց է առ այն որ մեզ առհամարում են մեր իսկ հայրենիքում:

Այս ամենի հանդեպ ծայրահեղ կոռումպացված իշխանությունների և նյութապաշտ եկեղեցու հանցակից պահվածքը սպասելի էր: Սակայն բոլորովին անընդունելի է մտավորականության և ժողովրդի անտարբեր լռությունը:

Ելնելով այս իրողությունից, դիմում ենք բոլոր գիտակից հայերին, կոչ անելով ըստ արժանվույն արձագանքել կատարվածին: Հարկավոր է պատասխանատվության  ենթարկել կազմակերպիչներին և նրանց մեղսակիցներին հայ ազգը նվաստացնող արարքի համար:
Այսուհետ հայ մտավորականը և առհասարակ հայ մարդը պետք է գիտակցի, որ ինքն է այն զինվորը ում ուսերին դրված է հայկական բարձրագույն արժեքների պաշտպանության պատասխանատվությունը:


Այսօր, ինչ ինչ պատճառներով, բազմաթիվ հայորդիներ գտնվում են աշխարհի տարբեր ծայրերում: Սակայն դա չի նշանակու, որ նրանք անտարբեր են հայրենիքի խնդիրների նկատմամբ: Դեռևս նրանք հոգեպես են ձեզ հետ, սակայն շատ շուտով դուք զգալու եք նրանց ֆիզիկական ներկայությունը ձեր կողքին:

Sunday, July 7, 2013

Հայ ծրագրավորողը լուծել է խնդիր, որն անիմաստ է դարձնում կոդերը




Կարինե Իոնեսյան
Հարցազրույց - Շաբաթ, 06 Հուլիսի 2013, 16:16- See more at: http://www.lragir.am/index/arm/0/interview/view/85182#sthash.bvZz3FUq.dpuf



արցազրույց Կառլեն Ղարիբյանի հետ, ով լուծել է աշխարհի 7 բարդագույն խնդիրներից մեկը՝ արդյոք P=NP



Պարոն Ղարիբյան, Դուք լուծել եք համաշխարհային բարդագույն խնդիրներից մեկը: Կասե՞ք, թե դա ինչ խնդիր է, եւ ի՞նչ համաշխարհային նշանակություն կարող է ունենալ վերջինիս լուծումը:



Մոտ 45 տարի առաջ, համակարգիչների զարգացման հետ զուգահեռ առաջացան տարատեսակ խնդիրներ, որոնք մարդկային հասարակության զարգացման համար մեծ նշանակություն ունեն: Այդ խնդիրներից մեկը ձեւակերպվեց Ստեֆան Կուկի (1971 University of Toronto) կողմից, ու այդ խնդիրն առնչվում է մարդկային գործունեության համարյա բոլոր բնագավառների հետ՝ այդ թվում ԴՆԹ հետազոտությունների հետ, որն անմիջական կապ ունի քաղցկեղի բուժման հետ: Այն առնչվում է նաեւ դիաբետի՝ շաքարի բուժման հետ: Այդ խնդրի լուծումը թույլ է տալիս գեներացնել կամ սինթեզել այնպիսի սպիտակուցներ, որոնք ուղղորդված կարող են բուժել դիաբետը՝ շաքարը: Այս խնդրի լուծումը նպաստավոր է նաեւ համաշխարհային համակարգերի անվտանգության համար, որոնցից մեկն ինտերնետն է իր անվտանգության կոդերով, ինչպես նաեւ ամբողջ համաշխարհային բանկային համակարգը: Այդ բոլոր կոդերը ձեւավորվում են՝ հաշվի առնելով, որ այս խնդիրը լուծել հնարավոր չէ: Բայց ես այդ խնդիրն արդեն լուծել եմ եւ, հաշվի առնելով, որ ոչ մի ընդդիմախոսական հերքող աշխատություն չի տպագրվել իմ աշխատությունից հետո, շուտով այդ խնդրի լուծումը ճանաչում կստանա ամբողջ աշխարհում:



Փաստորեն Դուք արդեն լուծել եք այն խնդիրը, որը տարիներ առաջ չկարողացավ լուծել Ստեֆան Կուկը:



Այդ խնդիրը ես լուծել եմ ոչ միայն տեսականորեն, այլ գրել եմ նաեւ ծրագիր, որի շնորհիվ ապացույցները կարող եք տեսնել ակնհայտորեն: 2007 թվականին Silicon Valley-ի մասնագետները, այն հետաքրքիր աշխատանք համարելով, տպագրել են համաշխարհային նշանակություն ունեցող ամսագրերից մեկում: Այդ խնդրի անունն է «Արդյոք P=NP»-ի: Եթե նման խնդրի լուծումը գոյություն ունի, այն կարելի է ստուգել շատ կարճ ժամանակում: Օրինակ, եթե մարդու ԴՆԹ-ի մասին մտածենք, մի քանի տարի է պետք, որ այն կոդավորվի ու դրա հատկանիշը ձեւավորվի, բայց խնդրի լուծումը հնարավորություն է տալիս նույն բանին հասնել վայրկյանների ընթացքում: Համաշխարհային Business Initiative Directions կազմակերպությունը՝ BID-ը, աշխարհի 118 երկրներւմ իր հարցումներով innovation-ների ասպարեզում այս աշխատանքը արժանի է համարել համաշխարհային ոսկե պարգեւատրության: Սրանք առաջին ծիծեռնակներն են, որոնք հաստատագրում են այդ աշխատանքի կարեւորությունն ու ճշմարիտությունը: Բայց համաշխարհային մասնագիտացված էլիտայի վերաբերմունքը, ես կասեի անտարբերությունն այս խնդրի նկատմամաբ շատ զարմանալի է: Կամ չեն հասկանում, կամ նրանց մոտեցումը խիստ ուղղորդված է: Վերջերս մի հնդիկ մաթեմատիկոս՝ Vinay Deolalikar-ը հոդված է գրել {P != NP այս խնդրի վերաբերյալ ու արժանացել է համաշխարհային հերքումների ու քննադատության: Իմ հոդվածը ոչ մեկը չի հերքել եւ չի էլ կարող հերքել, քանի որ այն ունի խիստ մաթեմատիկական ապացույց:



Հայաստանում այդ խնդրի լուծումը կիրառելը իրատեսական համարու՞մ եք:



Ես երկար տարիներ փորձել եմ աշխատել այնպես, որ այս խնդիրը ներկայանա հենց Հայաստանի կողմից, քանի որ այս խնդրի տերը հետագայում կդառնա աշխարհի ամենահզոր երկրներից մեկը: Հոդվածը տպագրվել է Հայաստանի ArmTech միջազգային կոնգրեսում ( Karlen Gharibyan, Does P=NP?, in Proceedings of the first international Arm Tech Congress 2007.[PDF]), եւ մեր գիտնականների վերաբերմունքը զրոյական է: Նույնիսկ չնչին ֆինանսական ներդրումներով կարելի է միլիոնավոր գումարներ վաստակել այս խնդրի շնորհիվ: Օրինակ, մենք ուսումնասիրել ենք նավահանգիստներում բեռների կուտակման խնդիրները, որոնք եւս կարող են հստակ լուծվել այս խնդրի օգնությամբ: Հարյուրավոր միլիարդների վնասներ են կրում այդ կազմակերպությունները միայն նրա համար, որ չգիտեն, որ այս խնդիրը լուծվում է: Արդյունքում ինտերնետային արագությունը բազմաթիվ անգամներ կարելի է մեծացնել:



Փաստորեն այս խնդրի լուծումը ակնհայտորեն հուշում է նաեւ, որ կարելի է ցանկացած գաղտնաբառ ջարդել:



Մինչեւ հիմա, որ գաղտնաբառերը կոտրել են, շատ խիստ հարաբերական է եղել: 95 և ավելի տոկոս դեպքերում միջամտում են ներսի մարդիկ ու նրանք, ովքեր այլ շահեր են հետապնդում: Իսկ այս խնդիրը ոչ մի սահման չի ճանաչում՝ հազարավոր բայթ մեծության գաղտնաբառը կարելի է կոտրել վայրկյանների ընթացքում: Այստեղ բնական է, որ կան նաեւ ռիսկեր: Մինչեւ խնդրի հասարակայնացնելը, մասնագետներն արդեն պետք է մտածեն գաղտաբառերի փոխարինման մասին, քանի որ դրանք այլեւս չեն կարող իմաստ ունենալ այդ խնդրի լուծման դեպքում: Էլեկտրոնային փաստաթղթերն ու ստորագրությունները եւս վտանգավոր են: Նշեմ, որ այս խնդրով հետաքրքվել են տարբեր երկրներից, այդ թվում նաեւ հրեաները եւ թուրքերը:



Որո՞նք են լինելու Ձեր հետագա քայլերը:



Նախ ուզում եմ այդ խնդրի պարզագույն լուծման տարբերակը տպագրել, որ մասնագետները ավելի պարզ հասկանան: Clay Mathematics Institute եմ դիմելու, քանի որ նրանք ասում են, որ եթե խնդիրը հրապարակվում է, հերքում չի լինում առաջիկա մեկ տարվա ընթացքում եւ աշխատանքը լայն հնչեղություն է ստանում, այդ դեպքում խնդիրը համարվում է լուծված, եւ լուծողը ստանում է 1 միլիոն դոլար պարգեւ: - See more at: http://www.lragir.am/index/arm/0/interview/view/85182#sthash.bvZz3FUq.dpuf

Wednesday, April 24, 2013

Գարեգին Նժդեհի ելույթը - Ապրիլ 24 2013թ.


Բոլոր ազգերն իրենց դրոշների վրա գրում են իրենց հաղթանակներն ու հերոսների անունները, իսկ մենք գրել ենք «ցեղասպանություն» ու ճոճում ենք աշխարհի առջև: Հաղթահարենք տկարությունը, հանենք ցեղասպանվածի խարանն ու հաղթենք թուրքին: «Հայու տեսակ».Գագիկ Գինոսյանի հեղինակային հաղորդաշարը: