2010-07-26
Յուրի Ջորկաեֆը ցանկանում է գլխավորել Հայաստանի ազգային հավաքականը
ԵՐԵՎԱՆ, 26 ՀՈւԼԻՍԻ, ԱՐՄԵՆՊՐԵՍ: Աշխարհահռչակ հայազգի ֆուտբոլիստ, Ֆրանսիայի ազգային հավաքականի կազմում 1998-ին աշխարհի եւ 2000-ին` Եվրոպայի չեմպիոնների կոչումները նվաճած Յուրի Ջորկաեֆը ցանկություն ունի գլխավորելու Հայաստանի ազգային հավաքականը: Ֆրանսիական «France Football»-ին տված հարցազրույցում նա հայտարարել է, որ բաց է Հայաստանի հավաքականի կողմից առաջարկների համար: «Ես Հայաստանի ֆուտբոլի ֆեդերացիայի հետ որեւէ կապ չեմ հաստատել, սակայն եթե մի գեղեցիկ օր ինձ առաջարկեին Հայաստանի հավաքականի գլխավոր մարզչի պաշտոնը, ես կմտածեի այդ մասին»,- ասել է նա:
Ջորկաեֆը հիշեցրել է, որ 1990-ականներին նման առաջարկ ստացել է հայրը` Ժան Ջորկաեֆը, սակայն որոշ խնդիրների պատճառով չի ընդունել այն: «Հետաքրքիր փորձ կլիներ ինձ համար, եթե մի օր նման առաջարկ ստանայի Հայաստանի հավաքականից»,- ասել է աշխարհահռչակ հայազգի ֆուտբոլիստը:
No comments:
Post a Comment